WAZAZI ROBANDA WAJITOA KUHAKIKISHA WATOTO WANAPATA CHAKULA SHULENI

Imewekwa: October 24th, 2022

Shule ya Msingi Robanda  Kata ya ikoma wilayani Serengeti kwa kushirikiana  na uongozi wa  kijiji na Kata ni miongoni mwa shule zinazotekeleza utaratibu wa  kuwapatia wanafunzi chakula Shuleni.ikiwa ni Mkakati wa  kitaifa wa kuhakikisha mtoto awapo shuleni anapata chakula .

Katika shule ya Msingi Robanda wazazi wamekuwa mstari wa mbele kuchangia chakula  Shuleni na hivyo kufanya watoto wote kuanzia darasa la Awali hadi la Saba kupata chakula.

‘’Kila Muhula tunakuwa na  kikao cha wazazi kwa ajili ya kuandaa bajeti ya uji wa wanafunzi wakiwa shuleni ‘’Alisema  mkuu Msaidizi wa  Shule hiyo Mwl.Noel Abel

Kwa Upande wa Wanafunzi wameishukuru serikali kwa kusimamia swala la Lishe mashuleni  pamoja na wadau wa utalii Focus on Tanzania communities kupitia Thomson safaris LTD Kwa kuwajengea Jiko la kisasa kwa ajili ya kupikia chakula wakiwa Shuleni.

Diwani wa kata ya Ikoma Mhe.Michael Kunani amewataka wazazi kuendelea kuchangia  chakula shuleni kwani ni  chakula ambacho mtoto angeweza kula nyumbani kiletwe shule aweze kula  na kumpa mtoto utulivu wa kimsomo na kuweza kufanya vyema katika masomo yake.

Aidha,Afisa Lishe Wilayana Bi.Flomena Cyprian ameipongeza shule hiyo kwa kuwa mstari wa mbele katika huzingatia swala la lishe na  kuzitaka nyingine wazazi kuhamasika  kuchangia chakula  Shuleni ili kuwajegea watoto afya Njema na Kuongeza utulivu wa kimasomo na kuomgeza ufaulu wao na shule kupata matokeo mazuri

Halmashauri ya wilaya ya Serengeti inaendelea kutenga na Mapato yake ya ndani katika kutekeleza afua mbalimbali za Lishe  kama ambavyo Mhe.Rais alitoa maelekezo wakatika kusaini mikataba ya Lishe Hivi karibuni.