Idara ya Maendeleo ya Jamii ni idara kiungo muhimu kati ya jamii, Serikari na wadau mbalimbali wa maendeleo. Idara hii ina vitengo vifuatavyo:-
Kitengo cha vijana
Kitengo ya kudhibiti UKIMWI
Uratibu wa TASAF
Uratibu wa shughuli za NGOs.
Kama Idara mtambuka idara hushirikiana na idara nyingine katika Halmashauri ya Wilaya pamoja na mashirika yasiyo ya kiserikali na Asasi za kiraia zilizopo katika maeneo ya Wilaya hii.
MAJUKUU YA IDARA YA MAENDELEO YA JAMII JINSIA, WAZEE NA WATOTO
Shughuli zinazotekelezwa na idara hii ni pamoja na :-
Kuhamasisha jamii kubuni, kupanga, kutekeleza, kusimamia na kutathimini mipango na miradi yao ya maendeleo.
Kuelimisha jamii kuondokana na mila zenye zilizopitwa na wakati na kuwa na mtazamo wa kupenda mabadiliko chanya.
Kuhamasisha jamii juu ya matumizi ya teknolojia rahisi na sahihi kwa kutumia rasilimali zilizopo na zinazopatikana kwa urahisi.
Kuelimisha jamii juu ya umuhimu wa kutoa taarifa na matukio mbalimbali kama vifo, milipuko ya magonjwa, masoko, uzalishaji mali, vyakula, ajira na unyanyasaji wa kijinsia.
Kuratibu shughuli zote za maendeleo zinazosimamiwa na Asasi zisizo za Kiserikali (NGOs) katika Wilaya.
Kufanya utafiti na kutoa mapendekezo ya namna ya kukabiliana na matatizo mbali mbali yanayorudisha nyuma maendeleo katika jamii kwa kushirikiana na watumishi wa sekta zingine.
Kusimamia na kuratibu shughuli za maendeleo ya wanawake, vijana, watoto na wazee.
Kuhimiza, kujenga na kuimarisha ari ya kufanya shughuli za maendeleo kwa kujitolea katika maeneo yao.
Kueneza elimu ya uraia mwema kwa jamii
Kutoa elimu kwa jamii ili kuepukana na maambukizi ya VVU/UKIMWI.
Kusimamia, kusambaza, kuelimisha jamii juu ya sera mbalimbali za maendeleo ya jamii kuanzia ngazi ya jamii.
HUDUMA ZA KIJAMII
Idara ya maendeleo ya Jamii inatoa huduma mbalimbali za kijamii kwa ajili ya kuhakikisha jamii inapata maendeleo inayoyahitaji:-
Kusajili vikundi vya vijana, wanawake na makundi ya mchanganyiko (wanawake na wanaume)
Kutoa mikopo yenye riba nafuu kwa makundi mbalimbali ya wajasiriamali wadogo wadogo ili kuinua mitaji yao
Kutoa misaada kwa makundi maalumu (walemavu, watoto yatima, wajane, watoto wanaoishi katika mazingira hatarishi)
Kusaidia wafungwa wa muda mfupi kutoka gerezani na kupangiwa kazi za nje
Kutoa elimu ya kujitambua na afya ya uzazi kwa wanafunzi wa shule za sekondari
Kutoa msaada wa mitaji midogo midogo kwa makundi ya kijasiriamali ya watu wanaoishi na Virusi vya UKIMWI
MATARAJIO YA IDARA YA MAENDELEO YA JAMII
Idara inatarajia kuendelea kuwawezesha makundi ya vijana na wanawake miradi midogomidogo ya ujasiriamali.
Idara inatarajia jamii kuongeza uwezo wa kuibua na kuzitumia fursa zilizopo ndani ya maeneo yao ili kuleta maendeleo endelevu.
Idara inatarajia jamii itapata uelewa wa kuepukana na mila zilizopitwa na wakati ili kujenga jamii yenye ushirikiano.
Idara inatarajia ukatili wa kijinsia uendelea kupungua aidha wanawake wamejengewa ujasiri wa kujiamini katika mbalimbali za kiuchumi, kisiasa na ushiriki katika maswala ya kijamii.
Idara inatarajia kuona jamii inajitambua na kuondokana na fikra tegemezi
Idara inatarajia jamii kuwa na uelewa wa sera na miongozo mbalimbali inayotelewa kwa ajili ya maendeleo yao.
Idara inatarajia jamii hasa vikundi vya wanawake na vijana vinavyopata mikopo kwa riba nafuu kuongeza kipato hivyo kupunguza au kuondoa dhana ya utegemezi.
