Idara hii Imegawanyika katika sekta mbili (2) ambazo ni sekta ya ardhi na sekta ya maliasili.
Sekta ya Ardhi - Imegawanyika katika sehemu nne (4) ambazo ni uthamini, mipango miji, upimaji na ramani na Ardhi utawala na usimamizi.
Sekta ya Maliasili – Ina sehemu mbili (2) ambazo nimisitu na wanyamapori
Majukumu ya Idara ya Ardhi na Maliasili
Majukumu ya idara ya ardhi na maliasili kwa kuzingatia sehemu ya uthamini, mipango miji, upimaji na ramani, ardhi utawala na usimamizi, misitu na wanyamapori ni kama ifuatavyo:
Sehemu ya Uthamini
Majukumu ya mthamini ni:
Kukusanya taarifa za utafiti na mwenendo wa soko la ardhi
Kuhakiki kumbukumbu za utafiti na kuziingiza kwenye komputa
Kupokea maombi na kufanya uthamini wa ardhi, mazao,majengo na samani
Kukagua, kupima na kuoanisha thamani ya majengo na ardhi kwa ajili ya kumbukumbu
Kukadiria kodi ya ardhi
Sehemu ya Mipango miji
Majukumu ya Afisa mipango miji ni:
Kuandaa mipango ya maeneo yaliyoendelezwa kiholela/ urasimishaji wa makazi holela
Kuandaa michoro ya mipango miji kwa maeneo ambayo hajaendelezwa
Kuandaa mipango ya matumizi bora ya ardhi ya vijiji
Kuchambua takwimu na taarifa kwa ajili ya maandalizi ya mipango mipya ya makazi
Kupokea michoro ya mipango miji na taarifa za maeneo ya ardhi yanayopendekezwa kuiva kwa ajili ya uendelezaji kimji
Kupokea na kuweka kumbukumbu za maombi ya mabadiliko ya matumizi na umegaji wa viwanja
Kuhakikisha kuwa mabadiliko ya matumizi ya ardhi yanaingizwa katika michoro
Sehemu ya Upimaji na Ramani.
Upimaji na ramani ni miongoni mwa vitengo vingine vya ardhi kama vile, utawala na usajili ardhi, uthamini pamoja mipango miji kitengo hiki kina majukumu mbalimbali ndani jamii katika kutoa huduma zake.
Majukumu ni kama vile upimaji wa viwanja, upimaji mashamba, kuonyesha mipaka ya viwanja na mashamba, kutatua mogogoro ya ardhi, kutoa elimu ya ardhi kwa wananchi.
Sehemu ya Ardhi Utawala na Usimamizi.
Majukumu ya Afisa Ardhi ni kama ifuatavyo:
Kupokea maombi yanayohusu Hati miliki na kutunza usajili wa maombi husika
Kushughulikia utayarishaji wa nyaraka za kisheria
Kutoa notisi na kupendekeza ubatilishaji wa miliki za viwanja visivyoendelezwa kwa mujibu wa sheria
Kuwasiliana na wateja kuhusu Hati zilizotayarishwa na kuwakabidhi
Kutoa ushauri na mapendekezo ya ugawaji wa viwanja na mashamba
Kufanya ukaguzi wa viwanja
Sehemu ya misitu
Majukumu ya afisa misitu ni kama ifuatavyo:
Kutoa elimu ya Hifadhi ya Mazingira, kuhimiza uoteshaji miche ya miti na upandaji miti
Kutoa elimu juu ya utengaji wa misitu ya asili (ngitiri) na utunzaji wa misitu ya asili (ngitiri)
Kusimamia hifadhi ya wanyamapori na hifadhi za misitu
Kutoa elimu ya hifadhi ya mazingira ,ardhi na vyanzo vya maji.
Sehemu ya wanyamapori
Majukumu ya afisa wanyamapori ni:
Kuthibiti utoaji wa leseni za biashara ya nyara na vibali vya kukamata wanyamapori
Kuthibiti matumizi haramu ya leseni za uwindaji na kuhakikisha kufuatwa kwa maadili katika kutumia wanyamapori
Kushiriki katika kusuluhisha migogoro ya matumizi ya wanyamapori
Kuthibiti matumizi haramu ya wanyamapori
Kufanya kazi za kuzuia ujangili
Kufuatilia utekelezaji wa miongozo mbalimbali ya uhifadhi wa wanyamapori
Kukusanya taarifa na takwimu za uhifadhi wanyamapori
Huduma za jamii zinazotolewa
Kurasimisha makazi holela
Kuandaa michoro ya mipango miji kwa maeneo ambayo hajaendelezwa
Kuwasiliana na wateja kuhusu Hati zilizotayarishwa na kuwakabidhi
Kazi za Jumla katika Idara ya Ardhi na Maliasili
Kuratibu na kudhibiti uendelezaji wa Miji na Vijiji.
Kuratibu uandaaji wa Mipango ya Matumizi Bora ya Ardhi Vijijini na Mijini.
Kujenga uwezo wa kupanga na kutekeleza majukumu ya uendelezaji ardhi kwenye Halmashauri.
Kuelimisha jamii kuhusu Mipango ya Matumizi Bora ya Ardhi.
Kuratibu na kusimamia utekelezaji wa Mipango ya Ardhi.
Kubaini fursa na vikwazo vya uendelezaji.
Kufuatilia na kutathimini utekelezaji wa mipango ya Miji na Vijiji inayoandaliwa.
Kusimamia uendelezaji wa maeneo ya makazi.
Kushughulikia maombi ya mabadiliko ya matumizi ya kiwanja, muunganiko/mgawanyo wa kiwanja.
Kukusanya taarifa za utafiti na mwenendo wa soko la Ardhi.
Kuhakiki kumbukumbu za utafiti na kuziingiza kwenye kompyuta
Kupokea maombi na kufanya uthamini chini ya usimamizi wa Mthamini aliyesajiliwa
kukagua, kupima na kuoanisha thamani ya majengo na ardhi kwa ajili ya kumbukumbu(Data Bank)
Kufanya uthamini wa malipo ya fidia, kodi za nyumba, rehani, bima, mizania (Balance sheet) na mauzo ya mali
Kuandaa maeneo ya kusimika alama za msingi za upimaji
Kutayarisha michoro ya utambuzi (Description diagrams)
Kupokea na kuhakiki picha za anga kutoka kwa mkandarasi.
Kufanya upimaji, mahesabu na kuandaa taarifa za kazi (Demarcation, coordination, computation and compilation).
Kuchora plani za upimaji (Survey plan)
Kuchora plani za Hati (Deed plan)
Kuingiza taarifa za upimaji kwenye kompyuta (alpha numeric data)
Kukagua kazi za upimaji na kuingiza taarifa za kazi zilizothibitishwa kwenye compyuta.
Kufanya upimaji picha (aerial triangulation and block adjustment)
Kuandaa vikosi kwa ajili ya kuhuisha ramani (map revision)
Kutunza kumbukumbu za picha za anga
Kusimamia na kuchukua vipimo vya tide gauge (Hydrographic survey)
Kufanya kazi za nje ya ofisi (field survey operations) chini ya usimamizi wa mpima aliyesajiliwa.
Kutoa huduma kwa wateja (customer services)
Kukagua masuala ya upimaji katika Halmashauri za Jiji, Manispaa, Miji na Wilaya (technical auditing)
Kupokea na kushughulikia maombi ya upimaji picha anga.
Kufanya maandalizi ya upimaji wa majini.
Kuchambua na kuchunguza taarifa mbalimbali (data analysis)
Kusimamia upimaji wa kumbukumbu (data bank)
Kuchambua na kuchunguza matokeo ya kazi za upimaji na kutayarisha taarifa ya kiufundi.
Kusimamia mfumo wa utayarishaji ramani kwa kompyuta.
Kushauri Halmashauri kuhusu masuala ya upimaji na utayarishaji ramani.
Kukagua kazi za upimaji na kuziwasilisha kwa Mkurugenzi wa Upimaji na Ramani
Kufanya ubunifu wa ramani mpya
Kutoa ushauri kwa wateja kwa ajili ya ramani maalum (thematic map)
Kufanya operasheni za upimaji
Kufanya uchambuzi wa takwimu (data processing and analysis)
Kutayarisha alama za upimaji (survey plan beacons)\
Kupanga na kuandaa mahitaji ya kambi za upimaji, vifaa vya upimaji na mahitaji ya jumla.
Kuandaa na kuchambua vifaa kwa ajili ya utayarishaji ramani.
Kuchambua, kushona, kukata na kuunganisha nyaraka zilizochapwa. Doria kusimamia sheria, taatibu na miongozo ya Idara.
Kulinda maisha ya wananchi na mali zao dhidi ya wanyamapori waharibifu na wakali.
Kutoa elimu ya uhifadhi, usimamizi na matumizi endelevu ya wanyama pori.
