UZINDUZI WA OFISI ZA UHAMIAJIA SERENGETI KUSAIDIA WAKAZI NA WAGENI

Imewekwa: May 7th, 2022

Na.

Goodluck Mwihava

Serengeti

 Mkuu wa Wilaya ya Serengeti Dkt.Vincent Mashinji,amezindua rasmi ofisi za  uhamiaji wilaya ya Serengeti,Mkoa wa Mara uzinduzii huo ulihudhuriwa na wadau  pamoja na wananchi mbalimbali.

Dkt.Mashinji amewashukuru  na kuwapongeza wadau waliojitokeza  katika kuboresha ofisi hizo za   uhamiaji lakini pia aliwakumbusha wananchi waliohudhuria katika hafla hiyo  umuhimu  wa ofisi hizo

’’  ofisi za uhamiaji hivi karibuni zimekuwa ni jeshi kamili na hamna nchi inaweza kwenda bila kuwa na idara ya uhamiaji,kwa sababu lazima tuwe na uthibiti wa watu wanaoingia na kutoka nchini na hata wale wanaozaliwa ndani ya nchi hii lazima tuwatambue’’ alisema Dkt.Mashinji.

Pia,aliwakumbusha Wananchi na wageni walikwa kuwa idara ya uhamiaji ina majukumu mengi sana ikiwemo kuwatambua  wananchi wote waliopo ndani ya nchi,aliwasisitiza wananchi kutumia ofisi hizo na kufuata taratibu zote za kisheria ili kufanya nchi kuwa salama na kuepuka wahamiaji haramu na changamoto zingine.

‘’Ofisi  uhamiaji zinajukumu pia za kuhakikisha kwamba wanaofanya kazi ndani ya  Jamhuri ya Muungano wa Tanzania ni Watanzania,na wanafanya kazi kwa Maslahi ya Jamhuri ya Muungano wa Tanzania na si vinginevyo’’alisisitiza Mkuu wa wilaya.

Aidha,amewakumbusha  raia wakigeni waliopo wilaya Serengeti kupata vibali vya kufanya kazi ndani ya wilaya Serengeti lakini pia wageni wote wanaoingia ndani ya  Nchini kutambulika na kufata taratibu zote kinyume na hapo hatua za kisheria zitachukuliwa.

Idara ya Uhamiaji Wilaya ya Serengeti  inaofisi nyingine 3 ambazo ni Serengeti,Seronera,borogonja.Majukumu mengine ya  ofisi za uhamiaji  ni kutoa elimu ya uhamiaji,kutoa hati za kusafiria,kufanya doria,Upelelezi,Misako,kudhibiti uingiaji wa wageni haramu,kutoa vibali vya walowezi,kuongeza muda kwa wageni pia kushirikiana na vyombo vingine vya ulinzi na usalama.

‘’Ofisi za uhamiaji Serengeti zilianza  ukarabati tangu Januari,2022  Kwa muda mrefu tulikuwa tuna jengo chakavu,Tunawashukuru  kampuni ya SB Tanzania Limited,Yenye Hotel ya Melia Serengeti waliamua kutusaidia kufanya ukarabati huo’’alisema afisa uhamiaji wilaya ya Serengeti Esia E. Mwakyusa

Akisoma risala kwa mgeni Rasmi afisa uhamiaji Wilaya ameomba kuboreshewa ofisi Zaidi kukidhi matakwa  ya  kijeshi kwani ofisi hizo bado hazijajitosheleza.Ametoa wito kwa wadau Zaidi kujitokeza kusaidia  vitu mbalimbali  pamoja na ujenzi wa ofisi za kisasa Zaidi.

Kaimu afisa uhamiaji Mkoa  wa Mara Bw.Shabani Kinanda ameshukuru msaada huo wa ukarabati wa jengo hivyo kwani  itaongeza morali kwa maafisa na kusaidia katoa huduma kwa wananchi kwa weledi. Nao Wananchi wameshukuru kwa ofisi hizo kwani itasaidia kurahisisha shughuli za uhamiaji.

‘’Tunashukuru kwa ajiri ya uzinduzi wa hili Jengo kwa maana wao ni wadau wakubwa katika kukamilisha zoezi la Nida,katika ugawaji wa vitambulisho vya Taifa kwa sababu bila wao kazi yetu inakwama kwahiyo inamchango mkubwa na tunautambua sana.’’ Alisema Afisa usajiri Wilaya ya Serengeti vitambulisho vya Taifa NIDA Bi.Christina Josinga