Serengeti yajipanga kuhimiza unyonyeshaji

Imewekwa: August 7th, 2022

Lishe ya kwanza ya mtoto anapozaliwa ni Maziwa ya Mama.Kwa kutambua hilo dunia imetenga wiki ya unyonyeshaji ambayo ni kila tarehe  1 mpaka 7 agosti ya kila mwaka,ili kuikumbumsha  jamii umuhimu,faida na namna bora ya unyonyeshaji.

Unyonyesha wa maziwa ya Mama una faida nyingi na unachangia kwa kiasi kikubwa  katika afya ya mtoto kwa kumpatia chakula kinachohitajika kwa ukuaji na maendeleo yake.

Ikiwa ni kilele cha maadhimisho ya wiki Unyonyeshaji wa maziwa ya mama   duniani ,yenye kauli mbiu inayosema  ‘’chukua hatua endeleza unyonyeshaji,Elimisha na toa msaada,’’ wilaya ya Serengeti   imeendelea kujizatiti kwa kutoa elimu ya unyonyeshaji kwa mama wanao hudhuria katika kliniki lakini pia kipindi cha  ujazito,na katika mikutano ya hadhara.

Mtoto huanza kunyonyeshwa  katika kipindi kisichozidi  saa moja baada ya kuzaliwa ili kuweza kumkinga mtoto  tatizo la Manjano  Jaundice.Kuepusha vifo vya watoto ,kimkinga mtoto dhini ya magonjwa Lakini pia maziwa ya mama humfanya mtoto kuweza kukua kusaidia katika afya Njema ya akili na mwili.

Unyonyeshaji unafaida mbalimbali kwa  Mama,kwani humsaidia mama kutopata hedhi na hivyo kumsaidia kuzuia uwezo wa kupata ujauzito ndani ya miezi 6 ya awali,lakini pia unyonyeshaji wa maziwa pekee usiku na mchana husaidia tumbo la uzazi la mama kurudi katika hali ya kawaida.

Kwa kutambua faida lukuki zilizopo katika kunyonyesha kuanzia kwa mama,mtoto,familia na Taifa kwa ujumla halmashauri ya wilaya ya Serengeti imeendelea kuhakikisha elimu sahihi  inawafikai walengwa na Jamii kwa ujumla.Swala la lishe kwa mama pia ni kipaumbele kingine ambacho wilaya  imeendelea kusisitiza.