SERENGETI YAENDESHA SEMINA YA UHAKIKI WA TAARIFA ZA USULUHISHI WA KIBENKI (BANK RECONALIATION) KWA WAHASIBU

Imewekwa: July 4th, 2019

Leo tarehe 04.07.2019 Halmashauri ya Wilaya ya Serengeti kupitia Idara ya Fedha, imeendesha semina ya mafunzo ya usuluhishi wa kibenki (bank reconciliation) kwa wahasibu wote waliopo katika  shule, zahanati pamoja na vituo vya  afya vilivyopo wilayani humu, semina iliyofanyika katika Ukumbi wa Mikutano wa Halmshauri.

Washirika wa semina wakimsikiliza muwezeshaji

Akiongea baada ya mafunzo hayo mwezeshaji ambaye ni Mkuu wa  Idara ya Fedha Bw. Itendele Maduhu amesema kuwa semina hii ni ya siku mbili yaani leo na kesho na yana lengo ya kuhakiki taarifa za kibenki pamoja na kuwajengea uwezo wahasibu hao katika utumiaji wa mfumo wa “FARRS”

Bw. Maduhu ameongeza pia kusema kwamba usuluhishi wa kibenki ni hitaji la kisheria kwa kuzingatia sheria ya Memoranda ya fedha ya Mamlaka za Serikali za Mitaa ya  mwaka 2009 hivyo ni lazima kila anayehusika kuhakikisha anasimamia na kutekeleza usuluhishi huo.

Aidha Bw. Maduhu amewasisitiza wahasibu  wote kuwa usuluhishi wa kibenki katika mfumo wa  “FARRS” uwe unafanyika ndani ya siku kumi (10) kila baada ya Mwezi Kuisha na wazingatie muda, kanuni na  taratibu za kifedha zinafatwa ipasavyo.

Baadhi ya washiriki wakimsikiliza muwezeshaji (hayupo pichani) kwa makini

 Miongoni wa wahasibu walioshiriki mafunzo hayo  Bw.  Samson Mgutu (Mhasibu wa shule ya sekondari  Nyansurura) amesema kuwa anashukuru  uongozi wa halmashauri kwa kufanya semina hiyo kwani wanaamini kuwa itakuwa chachu katika utendaji wao wa kazi hivyo kupitia semina hii  watatekeleza kwa wakati yale yote waliyofundishwa kwa kuzingatia  sheria na kanuni zote za kifedha zinafuatwa.

KWA PICHA ZAIDI BOFYA HAPA