HOSPITALI YA WILAYA YA SERENGETI KUANZA KUTOA HUDUMA TAREHE 01/03/2019

Imewekwa: February 20th, 2019

Hospitali ya wilaya ya Serengeti iliyoko katika kitongoji cha Kibeyo katika Kata ya Kisangura inatarajiwa kuanza kutoa Huduma zake tarehe 01/03/2019

Jengo la huduma ya mama na mtoto

Hayo yalibainishwa na Katibu wa Afya Wilaya Bw. Peter Shillingi katika ziara ya kawaida ya Mkurugenzi Mtendaji wa Halmashauri Mhandisi Juma Hamsini alipokuwa akitembelea kuona maendeleo ya ujenzi huo leo tarehe 20/02/2019.

“Tayari menejimenti imeshahamia hapa hospitali na tunategemea jumatatu ya tarehe 28/02/2019 watumishi waliobaki kule Hospitali Teule wahamie hapa na tunatarajia pia tarehe 01/03/2019 tuanze kutoa huduma kwa kuanza na huduma za mama na mtoto (RCH), meno, Dawa (Phamacy), Maabara pamoja na Hudumu za CTC (Huduma za Kliniki kwa Waathirika wa Virusi vya UKIMWI)” Alisema Bw. Shillingi

 Naye Mhandisi Juma alisistiza kuwa wahakikishie wanakamilisha taratibu zote za kuhamia hospitalini hapo na kuanza kutoa huduma hizo mara moja.