DED AFRAHA ATEKELEZA AGIZO LA RAC MTANDA, MAGARI YARUDI BARABARANI

Imewekwa: July 25th, 2023

Mkurugenzi Mtendaji wa Halmashauri ya Wilaya Serengeti Ndg. Afraha Hassan ameendelea kutekeleza kwa vitendo agizo la Mkuu wa Mkoa wa Mara Mhe. Said Mtanda kwa kufanya matengenezo ya magari saba yaliyokuwa yamekaa muda mrefu bila matengenezo yoyote

Akizungumzia utengenezaji wa magari hayo Kaimu Mkurugenzi Mtendaji wa Halmashauri ya Wilaya Serengeti  Ndg. Victor Rutonesha amesema magari saba  yametengenezwa na kurudi barabarani huku magari  yaliyosalia yakiendelea na utaratibu wa matengenezo

"Magari kumi na moja yaliyokaguliwa na Mkuu wa Mkoa tumefanikiwa kutengeneza magari saba na magari haya yamefanya kazi hata wakati wa mwenge tumeyatumia, magari matatu yaliyosalia yanaendelea na mchakato wa utengenezwaji" alisema Rutonesha

Itakumbukwa kuwa June 17, 2023 Mkuu wa Mkoa wa Mara alifanya ziara ya kikazi Wilaya ya Serengeti ambapo pamoja na mambo mengine alifanya ukaguzi wa magari katika Halmashauri ya Wilaya Serengeti na kumtaka Mkurugenzi Mtendaji wa Halmashauri hiyo kuhakikisha magari yote yanafanya kazi vizuri.