DC SERENGETI AMTAKA MTENDAJI WA KIJIJI CHA NYANUNGU KUKAMILISHA UKUSANYAJI WA MICHANGO YA UJENZI WA SHULE HARAKA

Imewekwa: July 22nd, 2023

Mkuu wa Wilaya ya Serengeti Dkt. Vincent Mashinji amemtaka mtendaji wa kijiji cha Nyanungu kukamilisha ukusanya wa ahadi zilizotolewa kwenye harambee ya ujenzi wa Shule ya Sekondari Nyanungu haraka iwezekavyo ili ujenzi wa sekondari hiyo usikwame

Akizungumza katika mkutano wa hadhara katika Kijiji hicho Dkt. Mashinji amesema kuwa ujenzi wa shule ya sekondari Nyanungu unatakiwa kwenda kwa kasi ili mwakani shule hiyo iweze kupokea wanafunzi wa kidato cha kwanza hivyo akamtaka tendaji huyo kufuatilia ahadi zote zilizotolewa na wadau siku ya harambee ya ujenzi wa sekondari hiyo.

"Kama shida ni kuwaandikia barua kwanini usiandike? haiwezekani tangu harambee imefanyika miezi karibia mitano imepita  bado hujakamilisha ukusanyaji wa ahadi zote zilizotolewa, kufikia alhamisi nataka uwe umekamilisha kukusanya ahadi hizo na uniandikie taarifa" alisema Dkt. Mashinji

Ujenzi wa shule ya sekondari Nyanungu unatarajiwa kukamilika ifikapo mwenzi Septemba ambapo shule hiyo inajengwa kwa nguvu za wananchi na wadau mbalimbali wa maendeleo kwa kushirikiana na serikali.