WATUMISHI IDARA YA AFYA WATAKIWA KUZITUNZA PIKIPIKI WALIZOKABIDHIWA

Imewekwa: November 2nd, 2022

WATUMISHI IDARA YA AFYA WATAKIWA KUZITUNZA PIKIPIKI WALIZOKABIDHIWA

Mwenyekiti wa halmashauri ya wilaya ya Serengeti Mhe.Ayub M.Makuruma  kwa niaba ya uongozi na menejimenti  ya halmashauri ya wilaya ya Serengeti amewataka watumishi wa  idara ya afya ,Ustawi wa jamii na Lishe  kuzitunza pikipiki walizokabidhiwa  leo  tarehe 02.novemba 2022  ili ziweze  kudumu na kutekeleza majukumu yalikusudiwa.

Mhe.Makuruma ameyasema hayo katika tukio fupi ya kuwakabidhi  Pikipiki  tatu aina ya boxer  watumishi hao  wanaoshughulika na kutoa huduma za Mama na mtoto,Lishe na ustawi wa Jamii.

‘’Vyombo hivi I rasmi kwa ajili ya kazi ya kuwahudumia wananchi,Rai yangu  pikipiki hizi zitunzwe ili ziweze kutusaidia sawa sawa na Matakwa ya serikali,Haiwezekani baada  ya siku mbili au tatu chombo kipo juu ya mawe,bahati nzuri tumepewa pikipiki ambazo ni imara aina ya Boxer’’amesema makuruma.

Aidha Mhe.Makuruma amemshukuru Rais wa jamhuri ya Muungano wa Tanzania Mhe.samia Suluhu Hassani kwa kuendelea kuikumbuka wilaya ya Serengeti  kwa kuleta miradi mbalimbali na vitendea kazi.

Kwa upande wa Mkurugenzi Mtendaji wa halmashauri ya wilaya ya Serengeti Ndg.Kivuma Msangi  amemshukuru Rais samia kwa wilaya ya Serengeti  kuwa sehemu ya mgao wa  kupata  pikipiki hizo,amewasisitiza watumishi waliopata pikipiki hizo kuzitunza.

 Nao watumishi waliopata pikipiki hizo wameishukuru serikali kwa  kuwarahisishia majukumu yao na kuahidi kuzitunza na kuzifanyia majukumu yaliyokusudiwa.