WAJUMBE WA ALAT MARA WAVUTIWA NA MRADI WA TANKI LA KUVUNIA NA KUHIFADHIA MAJI MACHINJIONI SERENGETI

Imewekwa: August 11th, 2022

     Kamati ya Jumuiya ya Tawala za mitaa (ALAT) Mkoa wa Mara wametembelea na Kukagua Mradi wa Ujenzi wa Tanki la Kuvunia na kuhifadhia Maji la Lita elfu kumi katika machinjio ya Mugumu wilayani Serengeti.

Mradi huu Ni miongoni mwa miradi iliyopangwa kutekelezwa na Halmashauri ya wilaya ya Serengeti kupitia Idara ya mifugo na uvuvi kwa mwaka wa fedha 2021/2022 kwa kutumia mapato ya ndani.

Mradi  huu ulitengewa Kiasi Cha Tsh.8,220,000/= ambapo  hadi sasa umetumia kiasi cha Tsh.7,925,524.8/= Mradi na umekamilika na upo tayari kutumika.kiasi kilichobaki ni Tsh.294,475.2/=

                    Mradi huu ulianza kutekelezwa tarehe 09.04.2022 shughuli mbalimbali ziliweza kufanyika kuanzia  kuanza hadi kukamilika kwa mradi huu,ikiwemo uchaguzi wa eneo la mradi.

Mwenyekiti wa ALAT Mkoa wa Mara Mhe.Daniel kamote ameipongeza halmashauri ya wilaya ya Serengeti kwa kupeleka 40% kwenye miradi ukiwemo mradi wa wa ujenzi wa tanki  la  kuvunia na kuhifadhia maji  katika manjio ya Mugumu.,Pia amempongeza afisa mifugo wilaya ya Serengeti Bi.Rehema Koka  kwa ubunifu wa uibuaji wa Mradi huu pamoja usimamizi wa mradi huo.

‘’Machinjio na maji na vitu ambavyo haviwezi kutengana,endeleni kuhakikisha usafi katika eneo   maeneo haya,hata mimi nimejifunza kitu na mradi huu ni mfano wa kuigwa ‘’alisema Mhe.Chomote

Uwepo wa  Mradi huu utasaidia upatikanaji wa maji ya uhakika katika machinjio hii pamoja na kuimarika kwa usafi katika eneo hili la machinjio hivyo kuepuka mlipuko wa magonjwa na adha mbalimbali.