SERENGETI DC YAZINDUA PROGRAMU JUMUISHI YA KITAIFA YA MALEZI, MAKUZI NA MAENDELEO YA AWALI YA MTOTO (PJT - MMMAM).

Imewekwa: April 16th, 2024

Halmashauri ya wilaya ya Serengeti Leo Aprili 16, imezindua programu jumuishi ya kitaifa juu ya malezi, makuzi na Maendeleo ya awali ya mtoto, programu ambayo imejikita katika kukuza afya bora kwa mtoto na mlezi, lishe bora  na malezi yenye mwitikio.

Aidha, programu hiyo  inalenga kuhakikisha kuwa watoto wanapata fursa bora za makuzi na malezi, sambamba na ulinzi dhidi ya hatari zozote zinazoweza kuwakabili.

Akizungumza kwa niaba ya Mkurugenzi Mtendaji wa Halmashauri ya wilaya ya Serengeti, Mkuu wa Idara ya Utumishi Ndg. Ally Ligalawike amesema kuwa uzinduzi huu ni hatua muhimu katika kuhakikisha ustawi na maendeleo bora kwa watoto katika Halmashauri ya Wilaya ya Serengeti huku akiwataka wazazi na walezi kuwapa watoto mafunzo ya kidini.