RC MARA awataka wafanyakazi kutoa huduma bora.

Imewekwa: May 1st, 2017

Mkuu wa Mkoa wa Mara Dk. Charles Mlingwa amewataka wafanyakazi kutoa huduma bora kwa wananchi kama yalivyo makusudi ya serikali ya awamu ya tano (Hapa Kazi Tuu)

Dk. Mlingwa amesema hayo katika maadhimisho ya sherehe za Mei Mosi zilizofanyika kimkoa katika Wilaya ya Serengeti. Akikabidhi na kutunuku vyeti kwa wafanyakazi bora; Mkuu wa Mkoa amesema “Wafanyakazi wasiwe mbele tuu kupaza sauti kudai haki, pia wasimamie utendaji wao ambao unalalamikiwa na wananchi.

Aidha licha ya mvua kubwa kunyesha siku hiyo, haikuzuia kufana kwa sherehe hizo ambapo Mkuu huyo wa Mkoa wa Mara ameipongeza Wilaya ya Serengeti kwa maandalizi mazuri ya Sherehe hizo zilizoambatana na burudani, michezo pamoja na mabanda ya maonyesho ya shughuli zifanywazo na taasisi mbalimbali za ndani na nje ya Wilaya Serengeti.

Maandamano ya wafanyakazi kutoka taasisi mbalimbali kuingia katika viwanja vya sokoine katika mji wa Mugumu Serengeti ambapo maadhimisho ya Mei Mosi Mkoa wa Mara yalipofanyika.

Mfanyakazi Hodari kutoka Halmashauri ya Wilaya ya Serengeti Bw. Jichabu Mlelema akipokea zawadi kutoka kwa Mkuu wa Mkoa wa Mara Dk. Charles Mlingwa

Kikundi cha muziki wa asili kikitoa burudani kwa hadhara iliyojitokeza katika sherehe hizo za Mei Mosi

Mkuu wa Mkoa wa Mara Dk. Charles Mlingwa akiwa katika banda la mjasiliamali wa mafuta ya alizeti Bi. Fatma Shams.