RC HAPI AIPONGEZA WILAYA YA SERENGETI KWA KUPATA HATI INAYORIDHISHA YA CAG 2020/2021

Imewekwa: July 16th, 2022

Mkuu wa Mkoa wa Mara Mhe.Ally S.Hapi, Ameipongeza Halmashauri ya Wilaya ya Serengeti kwa kupata Hati safi ya Mkaguzi mkuu wa Serikali 2020/2021, katika baraza maalumu la kupitia  Hoja za Mkaguzi Mkuu wa Serikali (CAG.

RC Hapi amewapongeza Waheshimiwa madiwani,wataalamu na uongozi mzima wa Halmashauri ya wilaya Serengeti kwa jitihada na weledi wa kusimamia vyema miradi inayoletwa na serikali,lakini pia kutokuwepo  kwa migogoro ambayo inangeweza kupelekea kukwama kwa miradi hiyo.

Aidha ,amempongeza Mkurugenzi mtendaji wa Halmashauri ya wilaya ya Serengeti Ndg.Kivuma H.Msangi pamoja jopo lake la wataalamu kwa kusimamia vyema zoezi la ukusanyaji wa Mapato2021/2022 ambapo ukusanyaji umefikia 92% .

Mhe.Hapi amewaomba waheshimiwa Madiwani kusimama kidete katika kusimamia ukusanyaji wa mapato ili mapato hayo yaweze kusaidia kuleta maendeleo kwa Wananchi.

Mkuu wa Mkoa amewataka watumishi,wakuu wa idara na Vitengo kuwajibika katika nafasi zao kusimamia vyema miradi inayoletwa na serikali na kuzungumza na wananchi wakati wa kutembelea miradi hiyo kuweza kupata maoni ,aidha kuacha mara moja tabia ya kukaa ofisini.

RC Hapi amesisitiza Halmashauri kuwekeza Nguvu Zaidi katika kukusanya Mapato Zaidi haswa yKatika mahoteli yaliyopo Mbugani,wadeni ambao hawajalipa madeni na kuwafikisha katika vyombo vya dola wote watakaokwamisha au kukaidi.

Mwisho,Mhe.Hapi amegiza uongozi wa Wilaya kuhakikisha inafuta hoja zote zilizobainishwa na  Mkaguzi Mkuu wa Serikali.

Mkuu wa Wilaya ya Serengeti Dkt.Vincent  Mashinji amemshukuru Mkuu wa Mkoa wa Mara kwa ziara hiyo na kumuahidi kusimamia maagizo yote aliyayatoa.

Kwa upande wa Mwenyekiti wa Halmashauri ya wilaya ya Serengeti Mhe.Ayub Makuruma, amempongeza RC Hapi kwa kazi kubwa anayoifanya katika Mkoa wa Mara na kumtoa hofu juu ya miradi yote inayoletwa  na iliyopo kuwa itasimimiwa kikamilifu na kwa weledi mkubwa  ili kuleta maendeleo kwa wananchi