KAMATI YA FEDHA, UONGOZI, NA MIPANGO IMETEMBELEA NA KUKAGUA UJENZI WA VYUMBA VYA MADARASA SHULE YA SEKONDARI MAKUNDUSI

Imewekwa: February 19th, 2023

Kamati ya Fedha,Uongozi,na Mipango ikiongozwa na Mwenyekiti wa Halmashauri ya wilaya ya Serengeti 

Mhe.Ayub Mwita Makuruma  wametembelea na kukagua mradi wa ujenzi wa vyumba  3 vya madarasa yaliyojengwa kwa  Fedha kutoka Serikali kuu Tsh Milioni sitini (60,000,000/=). Mradi  Huu umekamilika  kwa 100%  ikiwa pamoja na samani zake ambazo ni  meza 120 na viti  122. Wanafunzi wa kidato cha kwa kwanza 2023 wamefika na kuanza  masoma yao.

Mhe Makuruma ameupongeza uongozi wa kata na shule kwa kusimamia kikamilifu  ujenzi wa madarasa haya na kuwataka kutunza madarasa hayo.

‘’ Tunatoa shukrani zetu za dhati kwa Mh.Rais wa Jamhuri ya Muungano wa Tanzania Dkt. Samia Suluhu Hassan kwa kutupatia fedha hizi za mradi huu,na kuondoa changamoto za msongamano wa wanafunzi madarasan,natoa rai kwa uongozi wa kata na shule kulinda na kufanya ukarabati wa mara kwa mara ’’ 

Awali akisoma taarifa kwa kamati Mkuu wa shule ya sekondari Makundusi Mwl.Andrew C.Malela,amesema  Makundusi ni shule ya kutwa  na ya mchanganyiko ,yenye jumla ya wanafunzi  783 ambapo wavulana 347 na wasichana 436 na walimu wa ajira za kudumu serikalini 10 na waalimu wa kujitolea 06 .

Ameongeza pia, Shule hii ni miongoni mwa shule za Serikali ambazo zinafanya vizuri sana kitaaluma na utunzaji mazingira wilayani Serengeti na mkoani Mara kwa ujumla .Hii ni kutokana na ukweli kwamba shule hii imekuwa na ufaulu wa 100% katika matokeo yote ya mtihani wa kidato cha nne tangu kuanzishwa kwake mwaka 2018.Pia tumeanza mchakato wa kuanzisha kidato cha Tano na sita na tuna tarajia kuwa na mchepuo wa masomo ya sayansi.