DC ANGELINA AKABIDHIWA OFISI

Imewekwa: July 4th, 2025

Mkuu wa Wilaya mpya wa Serengeti Mhe. Angelina Marco Lubela amekabidhiwa Ofisi na aliyekuwa Mkuu wa Wilaya hiyo Bi. Kemirembe Lwota katika hafla iliyohudhuriwa na viongozi wa Chama na Serikali katika Ofisi ya Mkuu wa Wilaya ya Serengeti.

Akizungumza wakati wa hafla hiyo Mhe. Angelina amemshukuru Mwenyenzi Mungu kupitia Mhe. Dkt.Samia Suluhu Hassan kwa imani yake kubwa na kumpa dhamana ya kuongoza Wilaya ya Serengeti na kumshukuru Mtangulizi wake Bi. Kemirembe kwa kazi kubwa aliyoifanya katika Wilaya ya Serengeti kwa kipindi cha mwaka mmoja.

Zaidi amewataka watumishi wa Umma kufanya kazi kwa weledi na uadilifu kwa kusimamia Kanuni, Sheria na taratibu kwa kutoa huduma bora na kwa wakati kwa wananchi wote, ili kila mtua aweze kufurahia matunda ya Serikali na nchi yake.

Awali Mhe. Angelina alikuwa Katibu Tawala wa Wilaya ya Serengeti kabla ya kuteuliwa na Mheshimiwa Rais Dkt Samia Suluhu Hassan kuwa Mkuu wa Wilaya hiyo Juni 23, 2025.

Mhe. Angelina katika historia ya Wilaya ya Serengeti anakuwa mwanamke wa pili kuwa Mkuu wa Wilaya hiyo baada ya mtangulizi wake Bi. Kemirembe Lwota.