CHANDI AWAPONGEZA WAKUU WA IDARA NA VITENGO SERENGETI KWA KUSIMAMIA,KUTEKELEZA VEMA ILANI YA CCM

Imewekwa: February 13th, 2023

Mwenyekiti wa CCM Mkoa wa Mara  Ndg.Patrick Chandi amewapongeza wakuu wa Idara na  Vitengo  wa Halmashauri ya Wilaya ya Serengeti kwa kusimamia Na kutelekeza vema ilani ya Chama Cha Mapinduzi na kuunga mkono jitihada za Serikali ya awamu ya sita inayoongozwa na Mhe.Dkt. Samia Suluhu Hassani.

‘’Niwapongeze sana kwa  kuwatumikia vema wananchi wa wilaya ya Serengeti, kupitia utekelezaji wa ilani Makini ya Chama cha mapinduzi,mzidi kuchapa kazi  na kama kuna changamoto yoyote inayowakwamisha katika utekelezaji wa majukumu yenu nishirikisheni’’amesema Chandi

Ameongeza pia,menejimenti  inaendelee kuhakikisha  wanadumisha ushirikiano na umoja baina ya watumishi pamoja na kuwashauri vizuri  madiwani  ili kuzidi kuleta ufanisi katika utekelezaji wa ilani ya chama cha mapinduzi (CCM).

Kwaniaba ya Menejimenti Mkurugenzi Mtendaji wa Halmashauri ya wilaya  ya Serengeti Ndg.Kivuma H.Msangi  amempongeza Ndg.Chandi kwa kuaminiwa na wana CCM mkoa wa Mara  kwa kuchaguliwa kuwa mwenyekiti wa CCM Mkoa  na kumuahidi ushirkiano.

‘’Timu hii itahakikisha inafanya kazi vizuri na wewe ili kuiletea maendeleo wilaya  yetu ya Serengeti na Kuendelea kukushirikisha katika maswala mbalimbali yahusuyo wilaya yetu’’amesema Msangi.