BARAZA LA MAMLAKA YA MJI MDOGO SERENGETI LAZINDULIWA LEO.

Imewekwa: July 10th, 2025

Leo Julai 10, 2025 Mamlaka ya mji mdogo Serengeti imezindua baraza lake jipya la wajumbe tangu  kukamilika kwa uchaguzi wa serikali za mitaa wa mwaka 2024. Mkutano huu wa uzinduzi umefanyika katika ukumbi wa Kituo cha Walimu (TRC) ambapo sambamba na uzinduzi huo kuliambatana  na shughuli za uchaguzi wa mwenyekiti na makamu mwenyekiti wa mamlaka ya mji mdogo, uundaji wa kamati mbalimbali za kudumu na uchaguaji wa wenyeviti wa kamati hizo.

Katika Uchaguzi wa Mwenyekiti na Makamu Mwenyekiti wa mamlaka ya mji mdogo, Ndugu Chacha Charles Ally ameibuka mshindi wa kiti cha Mwenyekiti wa Mamlaka ya Mji Mdogo kwa kupata kura za ndiyo kwa wajumbe wote wa Baraza hilo huku Ndg. Mikidadi Iddy Mugonya naye ameibuka mshindi wa kiti cha makamu mwenyekiti wa mamlaka ya mji mdogo kwa kupata kula zote zilizopigwa na wajumbe wa baraza hilo.

Akizungumza mara baada ya uchaguzi huo Katibu Tawala wa Wilaya ya Serengeti Bw. Milama Masiko amewapongeza viongozi waliochaguliwa na kuwataka kuwa wahakikishe wanawatumikia wananchi wa maeneo yao katika kuleta maendeleo ya wananchi hao

.